کر تیز خنجر دا منھہ زخمی، میں قول حُسین دے آیا ہا
مُختار میں اینجھی جھٹک ڈتی، پیو دھی کو آپ ٹرایا ہا
میڈے ظلم دے حال جو پچھدا ہیں، پہلے اپٹے جگر کو ں قابو کر
ہتھ میڈے گل معصوم تے آئے، رخساراں رنگ بدلایا ہا۔
ہر ضرب میڈی تے بیوس تھی، دھی نجف ڈوں ڈیکھہ کے روندی ہئی
ہر سجٹ کوں کئی کئی سڈ مارے، اینھدی مدد کوں کوئی نا آیا ہا۔
ٹرے ڈینھں دے پیاسے بیکس کوں، میں ساہیاں کڈھہ کڈھہ کے قتل کیتا
خیام چ جھٹ پیاں کُل بھیٹیں، جڈھں ھتھ ذُلفاں تے پایا ہا۔
مختار میں اتٹا سنگدل ہاں، دھی چند قدماں توں ڈیھندی رہی
دھی پیو ڈوں قدم نہ چایا ہا۔
پیو ڈیھندا رہے میں دھی اونھدی دے والاں تے انجھ پیار کیتا
ڈونھیں خاک توں پیر چویج گئے، میں ول وی ترس نہ کھایا ہا۔
نوحہ خوان: سید سبطین شاھہ بخاری
No comments:
Post a Comment